上回講到~ o係大分o既溫泉旅館過1晚~
但呢晚落大大大大大大雪~
唔係唔鍾意落雪~ 但... 我地架車無雪呔, 無雪鏈...
o係落雪/結冰o既道路行駛太危險~
祈求瞓一晚, 會停雪...
oh well~~
瞓醒之後~ 好好陽光~ 係停咗雪....
但...........
u see....
好厚o既雪鋪住....
其實, 又真係好浪漫o既~^^~
一晚之間, 原本綠油油, 就變咗白雪雪~~~
忍唔住影啊影~ 大自然麻~~~
要好好珍惜~ 何況香港又見唔到落雪~
早餐時間由7點至9點半~
我地揀9點~
無錯~ 我仲係著緊佢套睡衣/浴衣~
唻唔切換~ 求其la~~
橫掂又係有自己包廂~
又唔會比其他人見到~~~
.真係.... 好好好靚啊~~~~~
大分o既由布院位置偏山上~
所以見到咁高o既樹, 當時覺得好宏偉ga~~
肚仔餓~~~~
我地揀咗日式早餐~
(有西式揀)
每人一份~
好好好豐富~~
唔夠飽~? 訊訊同我都大食~ 食晒果一刻都覺得有小小唔夠~
唔驚~ 仲有個甜品~
sweet呢~~
包廂食飯~ 好有privacy ga~~
係la~~ 有樣好緊要o既野~~
就係太厚雪, 又輕微結冰o既道路, 我地架車行唔行到~?
如果發生意外點算........??
之後, 我地就問旅館職員點算~
佢問我地下一站去邊~?
我地下一站plan咗去阿蘇睇火山~ (世界自然景點嘛~)
佢解釋~
o係由布院落山可以慢駛, 但會有小小危險, 因為我地無o係雪地駕駛經驗
而去到highway如果無落雪, 都安全
但去到阿蘇就一定一定要裝雪鏈
經過幾番思量, 我地決定o係由布院就先安咗雪鏈先
落山果時安全d麻
之後打算check out後去裝,
旅館職員十分十分helpful
佢提議, 先幫我地打電話去油站到問下, 有無我地架車size o既雪鏈
因為唔係間間油站都有stock
好細心, 之後, 仲幫我渣咗架車去裝雪鏈~
絕無extra cost~ 因為睇返張油站收據, 實報實銷~
日本就係呢樣好, 又helpful, 唔講報酬~
食完早餐後, 勁安心~ 最後影下相~
浸多次溫泉~~
訊訊似唔似日本人~?
都係似韓國人多d~~ haha~~
個人認為~ 浸完溫泉係仲攰~
因為促進咗血液循環, 流汗又多咗~
其實唔好浸太耐, 同浸得太密~
見到個柚嗎~?
浸咗一晚~ 係勁香勁香ga~^^~
好la~~~
check out時間係11am~
好早啊~~~~
唔捨得~~
唔駛擔心~ 拎咗大件行理, 佢地有職員會預先幫你搬上車~~
p.s. 再次多謝旅館職員~ 真係好幫得手~
最重要係... 佢英文超掂~
如果唔係, 架車點行+裝雪鏈呢個問題真係唔知點算呢~~~
呢個就係裝咗雪鏈o既車呔~
只需要o係架車o既前2個呔到安裝~
盛惠大約hk$21xx~
好貴...!! 貴過租一架車~
但無法啦....
鬼叫租車租得遲... 所以, 大家租車記得要預早book~ 特別係冬天時候~~
o係未離開由布院, 我地去咗湯之坪街行咗行~
距離十分近~ 幾分鐘就到~
湯之坪街大約長1km~
其實應有盡有~
買手信, 小食店, 精品店, coffe shop~
如果唔趕時間, 可以o係到逗留到3-4個鐘ga~~
周圍行行影影~
買手信~^^~
中午時間又落過雪~
地下濕滑~ 所以唔算多人行~~
玻璃精品屋~
賣o既全部係玻璃製品~
感覺有北海道小樽style~ 不過呢到modern d~
排隊買雪糕~^^~ 凍一凍都唔怕la~~~
仲有上過電視訪問, 攞過獎o既炸薯餅~~
新鮮熱辣~ 好味~~~
每個計返大約hk$10~~
呢到有間專賣kitty o既精品店~
kitty迷唔好錯過~
因為仲有1000yen kitty福袋~~
o係呢條1km o既街真係食咗唔少野...
但留意... 只係無幾耐前食完早餐.....
一.一"
我倆o既消化速度唔通比一般人快~?
非食不可o既芝士流心蛋糕~~~
勁抵~120yen/each~
雖說唔係好大個size~
但... 真係新鮮出爐~~
太太太太太好味道~
我地忍唔住食完又食~
120yen~ 其實好抵ar~~
行咗大約一粒鐘..
明明食咗好多野, 但肚仔又餓....
傻的嗎~?
但是呢~~~
我地由大分渣到阿蘇都需時2個幾鐘ga~
食定野打底都啱~
咖喱飯~~
哈哈笑咖哩飯好味~^^~
其實我同訊訊都好易養ar~~
有米飯落肚就得ga la~~
原本... 2個幾鐘o既車程...
變成3個幾鐘...?
我地慌到無影相...
>.<"
咩事呢~?
long story short...
說話我地架車裝咗雪鏈~
但o係highway行行下斷咗其中一條~
當時真係O咗咀...
唔知點搞...
點算...? 本guide book無講點算...
我地唯有慢駛...
諗住去就近油站睇下幫手...
但其中一條雪鏈斷咗, 其實行車果時, 只可以渣大約10-20km
牛龜咁慢... 我地打住死火燈咁行...
最大問題...
係行緊車果時, 係勁勁勁吵
個車呔一路轉, 條雪鏈就一路敲...
又無工具可以剪走佢...
一路行一路吵....
人都癲...
未去到油站果時, 我地忍唔住停o係路一邊研究可以點做...
god bless us....
有2個交通警出現~
佢地問都無問我地, 見到雪鏈爛咗...
直接幫我地拆走佢....
er........
等等...
拆唔係問題.....
但拆完佢... 我地去到阿蘇咪又要裝返...?
錢啊錢.... 你o係咪同我地過唔去啊...
交通警英文唔係太好...
我地都唔係好get到佢講乜...
大約意思...
如果裝咗雪鏈, 行車車速只應o係50km樓下, 一定要慢駛
而highway無落雪, 可以唔駛裝雪鏈....
但點都好.... plm solved.... 只不過係浪費咗我地o既hk$21xx~~
終於去到熊本~
天黑lu~~~
原本planning~
4pm到達熊本, 跟住o係熊本市內行幾粒鐘, 之後第二朝上阿蘇睇火山~
但...
可惜最後6點先到達熊本...
check in 酒店settle down之後, 都已經接近7點...
無咗大半日...
兼且... 雪鏈斷咗一邊... 另一邊又拆咗...
買過條平平地又要幾舊水... 搵人裝又要錢...
經過商量後, 決定取消上阿蘇睇火山...
好慘啊...
早知係咁... 我地就唔用二千幾蚊裝雪鏈啦........
所以呢~
無緣去阿蘇, 就o係熊本呢到行下睇下~~
必行o既係新市行~
連住下通+上通~
類似大阪o既心齋橋筋+難波果條長長街咁~~
不過你有眼見~ 夜深了~
好多鋪都陸續收檔~~
今日好攰... 比斷雪鏈單野嚇一嚇...
始終人在外地 (雖然有買保險), 但發生起事上唻, 都會手忙腳亂...
攰到... 我同訊訊都唔想點行~
求其搵間旅行書有介紹o既拉面店~
老字號拉面店"山水亭"~
個炒飯超得!!!!!
簡直食完唔夠喉~~~
例牌一人一碗拉面~~
反而拉面ok la~~~ 唔係話唔好味~ 但無我預期咁正~~
仲有拉面包可以買走~~
就係咁~ 食完野行下街~~
就返酒店瞓la~~
到第4日~~
行程有改~ 原本book咗阿蘇附近o既酒店, 要取消~
因為酒店o係jalan到book, 免收訂金/full payment
但如果行程有改的話, 請做個有責任心o既人~
記得取消啊~!!!
臨時搵去處~
訊訊提議返福崗行outlet~
都好~ 橫掂呢個trip其實都無乜點買野~
訊訊d衫褲鞋襪永遠鍾意o係日本買~
d size啱身d~ 而且, 依家d yen真係好抵~
朝早10點鐘準備出發~
發覺好多鋪都未開...
haha~~ 搵唔到野食tim~~
酒店無包早餐, 唯有求其食....
眼見只有呢間開咗....
好多餐廳都開11am.... 我地係早咗d~
求其la....
今次點咗沾面~~
我都鍾意ga~~
原來佢地都係啱啱開鋪...
準備當中~
我地做佢第一個客~~~
沾面湯底都偏咸味~
我叫咗個多菜o既~
魚湯~ 好好味ga~~~
我回味緊~~~~~
訊訊叫個正常o既味噌湯底~~
就係咁~ 食飽飽就可以出發~
去臨時編排o既schedule~
福崗o既MARINOA CITY OUTLET~
大約車程2小時~
唔知點解, 眼見好多outlet都有摩天輪~ 可能啱返一家大細o既玩樂消耗活動~
除咗outlet~ 仲有一個shopping mall係專賣bb野ga~
見到baby r'us 無~?
就係呢個mall la~ 仲有個幾大o既兒童室內遊樂場~~
outdoor cafe~~
天氣好~ 人又唔多~
好relax ar~~~
至於酒店~~
hohohoho~~~
無揀咗~~
附近得一間~
望海之餘~ 酒店房仲好靚~
其實成間酒店唔係太多房~
大約有1千呎~
唔駛再住semi double~
我地只係前一晚book~
大約好似hk$1000左右~~
包埋早餐~
個bathroom大ga~ 仲有海景望~~~
爽呢~~~~~
眼前o係咪好舒服呢~~~
就係咁~ 呢個臨急臨忙plan o既行程都尚算滿意~~~
天氣好好~ 坐o係個露台到hea~~
酒店thru jalan book:http://www.jalan.net/yad379147/?screenId=UWW3001&yadNo=379147&contHideFlg=1&yadoDetailMode=1&smlCd=400105&distCd=01
如果無渣車~ 其實都好易去~
o係博多市搭地鐵去"姪浜"站~ 15mins 就到ga la~~
marinoa city o既outlet大約有160間鋪~
算中大型o既outlet~
好多牌子都應有盡有~
放心wor~ 包你買得開心~~~
其實呢... outlet訊訊就買得多野~~
而我呢.... 好少...>.<"
我買咗人生第一個LC煲...
無飯主婦o既我.... 好少用~~
唔係好記得個煲幾銀...
20cm好似hk$13xx~
咁樣抵唔抵~?
行咗幾粒鐘~ 天都黑lu~~~
訊訊好開心ga~^^~ 因為佢最多收穫~~~
搵野食~~
位置o係outlet入面o既餐廳~~
食fushion菜~
訊訊叫咗客和牛~
同相片相似度有9成~
好味~~
和牛幾錢~?
抵~~ 計返hk$90 ja~~
而我點咗青咖哩雞~~
有泰國味~ 但同時有日本味~
好好味啊~~~~~
仲叫咗甜品~~
yummy~~ sweet sweet~~~
埋單2人大約hk$200左右~~
o係咪平過o係hk食茶餐廳先~?
outlet大部份商鋪都收8pm~
所以行到8pm後先搵野食都未遲~~
食飽上房休息~
其實都無咩做~
因為鋪頭都收晒~~~
睇下夜景~
呢到好啱一家大細~ 或情侶~
因為甜蜜氣氛有~ 親子節目都有~
我同訊訊誠意推介~~~
哼哼~~
last 1晚~ 無咁快收手~
我地人已經返到福崗市~ 雖然夜晚d鋪收晒~
但可以搵野食ga ma~
其實好多出名o既拉面發源地都o係呢到~
上網用gps搵最就近o既拉面店~
yo yo yo~~
一風堂距離我地5-6分鐘車程~
太方便~
兼且仲未收~
明明個肚就唔餓... 但又可以一人一碗拉面食落肚~ HAHA~
多麼的神奇呢~~~
仲有10隻餃子~~
睇唻我呢個trip可以有效咁增肥~~
附近都有d餐廳係夜收~
好似呢間食放題收零時1:30~~
食完面~ 返酒店lu~
最後一日~~
其實我呢5日都算好充實啊~
除咗福崗以外, 仲到訪大分, 仲去咗熊本~
雖然去唔成阿蘇~ 但唔可惜o既~ 實有機會下一次再唻~~
朝早酒店o既自助餐早餐~
以西式為主~
個景又係對住海~ 正正子~
食完個早餐, 可以返上房pack野~
準備要返hk la~~
娘爆咁都要影一影相~~
wakakaka~~
福崗呢到天氣和暖, 無刻意著多件衫~
加件褸就ok la~~
呢朝有咩做~?
check out咗之後, 去附近o既商場行多幾個圈~
食埋個lunch就走人lu~
可以去到機場先還車~
勁方便ga~
租車時最好諗定行程~
機場還咗車之後, 搭返shuttle bus (免費)去返國際線空港就ok la~~~
買得最多係野食...
但我話你知....
呢到d野... 同時間好快又派晒...
留比自己... 得1-2件餅............
有d skincare~
yen跌到落6.5真係好好好抵~~
仲o係機場買咗神仙水套裝~
一盒2支~ 215ml x 2
計返hk$9xx/支~ 平hk成半啊~~~
我同阿媽一人一支~ hohoho~~
仲有落妝油~ jumbo size~ 平時hk專門店$8xx~
日本機場只係hk$5xx~
呢個好得意~ 買比姪仔~
原本係一支鉛筆~ 加咗一套之後就變成竹蜻蜓~~
我諗起多拉A夢~~
衣物~^^~ 訊訊多d~
仲有買咗2樣野比mic mic~
mic mic都鍾意買波波池~ so lovely~^^~
成日都有blogger話睇完d遊記都好想去~ 其實聽到你地咁講, 我係好好好好好開心~ 因為證明自己有感染力~ 可以毒到你地~~ (奸笑)
租車我揀咗呢間 "too cool"
沖繩揀OTS~ 大阪果時好似係thru "rental cars"
而呢間too cools其實係集好多間租車公司, 可以比你格價~
仲可以附加options~ 例如租埋wifi or etc card~http://www2.tocoo.jp/en
(有中文ga~ 唔怕睇唔明~)
我地成個trip~ 最後好似入咗hk$3xx-$400油~
唔貴ar~
不過~ 其實九州o既交通其實好方便~
搭鐵路都一樣咁快~ 買pass可能仲平ga~
後話~
九州好大~
未去o既仲有佐賀, 長崎, 宮崎, 鹿兒島~
而且呢~ 較少見到大陸人~ 反而我地香港人/台灣人/韓國人見唔少~
雖然無咁城市化~ 但體驗到另一種風味~ 原始d, 自然d, 咁樣對香港人唻講仲好la~
好la~~
遊記終於完成la~
我可以安心咁瞓la~~~~
老土d都要講句多謝觀看~ 下次見~^^~
