唔急唔急~
其實PLAN咗大半年~ 不過無出聲~
而早o係一前已經有打算去北海道~
記得4年前新婚果陣, 已經想去北海道HONEYMOON~
不過果時BOOK得太遲~ 無機位~
唔緊要~ 依家再去過~ 相隔4年~~ 我可以一嚐心願~
點解咁鍾意日本~?
可以話... 鍾意佢地o既禮貌, 文化, 食物, 環境 等等...
而且... 去過咁多次韓國, 都未真真正正見到落大雪~
今次, 我知道~ 終於可以感受"踏雪"o既感覺~~~
第7次踏足日本o既感覺... 依然好興奮~
訊訊如是~ o係出發前夕, 同訊訊"開會"~ haha~~
yes~ 我地會攞晒d資料, 行程, 旅遊書出唻~
坐定定開會傾下有d咩要注意, 準備, 同諗下schedule~
於終到出發呢一日~^^~
心情好好好hyper~~~~
出發北海道o既時間較大阪, 東京等地遠, 全程大約4.5小時~~
朝早9:15 o既機, 去到目的地已經要3點幾~ (日本時間比香港快1小時)
新千歲機場唔係太多人, 幾鬆動~~~
記得第一去日本果時 (東京), 好鬼怕果邊d 交通... 特別係地下鐵...
d路線多到暈~ 買飛都要睇清睇楚先敢買... 以妨買錯...
依家~ 好好多la~雖然係第一次到北海道, 但見到指引清晰~
好快買咗飛去到札幌~
盛惠1040yen (每位大約$78)
出咗海關, 拎埋行理, 上埋JR, 都已經4點LA~~~~
天色已黑~~~
北海道4點半左右就天黑LA~~~
揀咗札幌o既RICHMOND HOTEL, 距離JR站大約8MINS路程~
上網print定map, 大約都係一條直路再轉左就到~~
我好out~ 原來依家興電腦check in + 比錢~~~
輕鬆比咗錢~~
頭3晚會stay o係札幌~
o係jalan book房~ 大約計返都只係$440/晚~
好抵呢~~
因為我早3個月前已經book定~~
愈早Book愈平~~~~
房o既size點都大過東京呢~~
都放到2-3件行理~~
細心o既酒店送咗4包浸浴o既入浴包比我地~~~~
試過, 真係對消除疲勞唔錯~~~ 浸完都瞓得特別好~~~
時間只係下午5點幾...
但個天已經黑晒... 有d唔慣~~~~
plan咗首先行狸小路~
由richmond hotel行去狸小路大約10分鐘~~
經過時計台~~
札幌o既地標~~
雖然唔入去, 但都可以o係門口影下相~~~
話過你地...
我咁大個女第一次滿地都係雪...
感覺好興奮~而且o係白雪雪o既建築物前影相, 果下感覺真係好浪漫ga~~~~
不過... 都幾凍....
大約 -8度~ 我件褸入面要著2件打底 + 冷衫 + 背心羽絨, 先夠暖~~~~
一路行, 不經不覺就到狸小路~
狸小路全長有7段~ (一個街口一段)
餐廳, 商店, 精品, 手信, 藥房 一應俱全~
要留意.... 我地朝早只係食咗個飛機餐... (仲要係cx飛機餐麻麻地好味...)
所以依家係勁勁勁肚餓...
拿拿林去搵野食~~~
經過好幾間拉面~
最終揀咗"山岡家"~
原因... o係佢門口放咗個"噴煙"o既deco~ 感覺好特別~~ haha~~
(之後發覺原來呢間山岡家o係北海道都有其他分店~)
時間大約6pm la~^^~
拉面都係即點即整~ 保持水準麻~~
每張台都有個漏斗~ 就係用唻計時, 一碗面會o係限定時間內送上~^^~
訊訊o既鹽味~~~
好濃~ 而且油脂好夠~ 冬天食別特別保暖~!!!
我叫咗味噌~不過點咗先知中招...
因為... 我唔食呢隻蔥ga...
但佢成碗都係ar...!!!
不過呢~~~ 都好味...好味~^^~
好la~ 之後可以真正行下街la~~~
o係狸小路大約5段左右~
經過呢間人頭湧湧o既手信鋪~
我地又人迫人咁入去, 發覺...!!!!
原來佢係可以免稅~ (唔駛填野都即時免稅)
而且每個店員都識講小量普通話&廣東話~
仲會同你講笑~
但我地o既策略, 係等到最尾一日先會買手信, 以免抬唻抬去麻~~
所以只係到買咗小小野食, 當零食呢2日食~
比錢果時, 個店員哥哥又勁好人咁計埋個9抵比我地~~
仲要免稅wor!!!
不過.... 佢唔係個個都有折...
之後周圍行下~~
見到有寵物店~
好多人都唔知, 其實o係日本養狗仔/貓仔其實係好好好貴...
之前o係東京見到, 好多狗仔閒閒地都賣成2-3萬(hkd)
北海道平d wor~~~~
o附近行咗個幾鐘左右~~
就返酒店放底d野先~~
玩下雪....
真係四周都好多堆雪~~~~
玩腳印~
d雪都幾深... 唔敢踩到最底~
因為訊訊對鞋會入水ga~~ haha~~~
經過tv tower~~
又幾靚wor~^^~
當時氣氛真係幾浪漫呢~~
加上又唔係太多人~~~~
凍到我都唔願除帽影相~~~~ haha~~
第一日... 記得唻北海道要買夕張o既粟米啊~~ 因為真係好甜~~
試過之後, 我地又買多咗2條~~~~
原本諗住休息一下, 再落去睇下附近有咩行~
北海道唔同東京大阪...
過8點... 水靜鵝飛...
咩都無~~ (除咗便利店)
而且留意, 有部份餐廳都係8-9點就收~~~
所以行咗個圈...
唯有食宵夜, 無乜太多options~ 唯有揀返出名o既"味之時計台"~
其實講真.... 食過後... 我會覺得, 味之時計台o既拉面麻麻地, 味又唔濃, 又無乜特別...
訊訊叫咗豬骨~ 傳統北海道拉面係多粟米+牛油~
香d滑d~
而我叫咗咖哩湯拉面~
反而呢個好味d~~~ haha~~ 激屎訊訊~
食完面出唻~ 又開始落雪la~~~
第一日~ 完成~^^~
希望呢個遊記可以o係新年內完成~~~~
