失驚無神九州遊 - 福崗+大分(上)

yeah yeah yeah~~

大年初一~ 祝大家羊年行大運~ 身體健康~ 恭賀新禧~~~~

放假做咩好~?

梗係去玩+寫遊記la~

仲記得我2014年中o既bali trip遊記斷咗尾... haha~

我最最最最鍾意寫blog... 但因為趕飛韓國... 趕出衫o既post... 之後又趕返唻執貨pack貨寄貨開鋪...

總之咩都趕... 搞到成個人都好似唔係自己咁...

依家終於停低落唻~ 可以做返自己啦~

yo yo yo yo~~~~

呢個trip plan得十分十分趕~

雖然... 講唔上好豐富~ 但... 我旨意 hea+relax~

所以呢~ 雖然決定得好急, 時間好趕~

但盡興咗, 就已經足夠~^^~



5日行~

濃縮成2篇blog寫~ yeah~ 包我一定寫得完~~







11點幾朝早機~ 飛到福崗大約下午3-4點~

個天氣麻麻地姐~ 天灰灰咁~

九州其實係全日本最和暖o既地方~

就以我地去到咁計, 大約都有9-12度~

其實真係唔算太凍~~~





我地hea到, 落咗機, 無乜點留意點搭車, 見到條人龍排隊, 就跟住人地排~

好彩大家都係出返博多, haha~

福崗唔大~ 個人認為玩1-2日已經足夠~

之前已經有朋友教咗我大約點行點玩~ 所以, 都無乜點plan到行程~~





等咗大約8-9分鐘, 巴士就到~

如果你唔想搭巴士, 可以搭地鐵~ 只係2個站就可以出返市區博多站~

勁快勁快~~









而我地搭巴士呢~ 大約搭咗15分鐘就到達目的地~











住博多有樣好~

買o既有~ 食o既多~

應有盡有~ 好方便~~

5日行程, 頭2日會留o係福崗到~

住返市區會方便自己多d~







揀酒店.... haha~ book得太趕, 平靚正果d無晒~

我地只可以揀d仲有房o既... 又唔太遠o既~

諗住慳d住semi double... 但無晒~

就只可揀d貴小小... 大小小...

好似第一晚住博多richmond hotel (距離博多駅筑紫口只係3-4mins), 但一晚要成hk$1400~

我覺得幾貴ga... 但無計....





咁的確... 比以往住東京, 大阪, 名古屋果d酒店房...

的確係大好多...

你知semi double... 真係床又細... 位又細...





settle down之後, 就周圍行下~

住得近博多駅就有個好處~

日本o既地下商店好好行~

周圍行下, 買下野, 收穫都好多~~



買咗底cheese cake返酒店食~





第一晚諗唔到食咩...

見附近勁多居酒屋... 但都full晒, 仲要make booking果種~

搵唔到野食, 唯有食拉面~

博多出名咩~?

咪就係拉面lor~

hohohohoho~~







求其入咗一間拉面店~

嗯~ 都幾好食~~

大約埋單hk$50/位~ 好抵ar~~~~~~~









其實好攰~ 事關上機前果一晚... 我又唔瞓覺...

搞到成個人都無精神~

所以, 食完拉面就返酒店食cheese cake~







跟住就覺覺豬lu~~~







幾快到第2日~^^~

其實我同訊訊都幾老土ga~

香港都有得食一蘭la~ 但訊訊睇到旅遊書, 話福崗博多係一蘭o既始發地~

總店就係附近~

所以就話要去食~





好彩.... 好彩.... 佢老婆我都鍾意食拉面...

如果唔係... 諗返前一晚已經食拉面...

第二朝又食拉面... 真係唔想再陪佢食~





一蘭總店有2層~

樓上食拉面~





食面請專心~^^~

]

而地下... 係食類似居酒屋o既物體~

我無去細心研究, 淨係見到d人點餸食~







第二日去邊呢...?

嗯... 呢個問題都困擾咗我地一陣...

唔想去行街... 唔想見到衫...

haha~ 私心真係好唔想再行街見到時裝~ 真係做果行厭果行~

但時間得返一日~ 可以去得邊~?





近近地, 去咗天神~ 買下手信~ 精品~ 化妝品lor~~





唔知點解, 我同訊訊其實好食得~

只不過... o係香港呢... 英雄無用武之地~

唻到呢到, 食完拉面無幾耐, 就求其買咗個便當食~~

yummy呢~~~





唔駛5分鐘就食晒lu~~







食完便當~ 又行街... 其實真心唔想行街...

鬼叫我地無plan到其他行程咩~~



行到攰, 又食...

一.一"

天啊....一日食幾餐先夠~



揀咗間居酒屋+燒烤二合一o既餐廳~



真心覺得... 麻麻地好味...

>.<"

我地就咁浪費咗個quota la~~





上面果碟.. 好似係豬...?

下面係牛舌~





同埋佢地推介o既土雞~ 一般過一般...





A5和牛... 鞋o既..... >.<







又叫咗串燒~ 嗯... 都係好一般...







之後.... 福崗o既名物....

牛腸鍋.... 可能第二間會整得好味...

我同訊訊... 都覺得... 難食....

天啊......

呢餐埋單大約$6xx~

唔抵lor~



.









好la好la~~~

去攞車la~~~

又係時間book得太趕...

其實安全起見, 要book雪呔車~

但... book得遲.... 巨有雪呔車已經無晒~

租4日車連保費大約hk$16xx~

貴唔貴~?

好似比沖繩+大阪果時貴...

(但都係果句... 鬼叫我地咁遲先唻book咩~)







鍾意o係日本自駕遊o既原因...

實在有太多太多~

道路寬敞~ 其實車都十分有規矩~

而且gps好準確, 又夠方便~

訊訊話... 如果平時都渣開車... 好難返轉頭去搭鐵路~

嗯... 雖然我唔係好認同... 我覺得有時搭鐵路都有好處~

但自駕真係舒適好多~

有自己空間, 做乘客o既我想瞓就瞓~

既然訊訊都唔怕眼瞓+攰, 我都無謂亦佢意~ 哈~



我地下一站係去大分~

浸溫泉~

其實九州都好多地方浸溫泉~

無諗過點解一定要去大分~

有朋友推介之餘~ 睇旅遊書講風景仲好好~

而且大分o既由布院係浸溫泉+度假o既好地方~~



大約由博多渣咗1.5鐘就到~

古色古香o既溫泉旅館~





今次我揀o既係一棟棟o既溫泉旅館~

傳統d~ 懷舊d~



一棟一間房~

有自己私人庭園~







一去到, 等check in o既時候, 有糕點食~~

細心ar~~~ 同埋都好好味ga~





你睇我幾hea~





之後, 就參觀下附近~~







我地間房有1500呎~

其實如果要計埋花園~ 成棟有3千呎~

住得好舒服ga~~





劃分咗living room~ bedroom~





超大~~~ 無book錯~^^~ yeah~~~~





食飯都有間房....

可以打麻雀tim ar~~~wakakaka~





我地攞車果陣, 租車公司o既staff同我地講, 呢一日天氣都算ok

但之後果一日, 就提我地渣車小心, 因為會落大雪, 最好幫條呔裝雪鏈~~~

我地呢一日仲諗, 天氣唔錯啊~

唔似會落雪bor~~







book房果時 (thru jalan), 揀咗係週年慶~

旅館就送咗支香檳比我地~^^~

















呢到就係浸私人溫泉o既地方~

爽~~~~







房間附設有以下~ (free of charge)













o係呢到真係可以好hea~

就係咁影下相~ 周圍行下~

等夜晚dinner la~~~





天色開始黑~~







食飯前沖咗個涼, 浸咗次溫泉~~





去返main house食飯~

o係咪包廂到食~

仲有專人服侍~ 真係好貼心~



2個人可以慢慢食, 慢慢傾~

勁舒服~

成日都覺得... 好似唔襟捱...

唔想次次去旅行都迫行街, 迫買野~ 咁樣好攰呢~

老咗.... 真係老咗... 一.一"





 



無睇錯~ 係英文menu~

其實我想話... 日本人o既english level提升咗不少~

就以我地住呢間溫泉旅館計, 不論任何一位staff, 都可以用英文對答如流~~





開開開餐la~~

樣樣都好好好好好味~

十分精緻~





























其實呢一日食咗好多野~

食完甜品後, serve我地o既waitress仲細心怕我地唔夠飽~

比咗盒飯圑我地帶返房做宵夜~~

haha~~

我地無等宵夜食, 食完飯之後無耐就已經k.o咗佢~~

正~~







天氣報告無講錯....

落大大大大大雪啊....

屎la........

落到我地心荒荒...

因為咁大雪... 我地部車渣唔到ga...

會十分十分危險....

租車公司d staff再三提我地, 如果落大雪, 千萬唔可以行駛....





我地望住d雪... 希望佢落一陣好停~~





不過.... 冬天落雪, 又真係好浪漫~

同訊訊就係咁睇住d雪~

咩都唔駛諗~ 咩都唔駛煩~

最正係咩呢~?

有個私家溫泉~ 開咗個窗浸住熱辣辣溫泉~

無得頂ar~~~~~~~




o係咪好想知呢一晚酒店幾錢呢~?
一泊2食~ (即包好正o既dinner + 第二朝早餐)
住over 3千呎獨立屋~
仲有私人溫泉~ (留意有d溫泉唔係真溫泉, 只係天然水掛流, 所以揀酒店果時一定要睇真d, 有私人溫泉池唔代表係真溫泉水啊~)

多謝一晚73,500yen, 好彩依家d yen抵, 計返大約hk$47xx左右...
你諗下... 如果係十算的話.... 天啊.... 邊住得起....
抵唔抵~? 
唔抵ga~ 但有幾可咁樣休息一下, 回一回氣~?
對吧~~~~~