唔知D BLOG友仔o係咪已經大部份返咗工呢~
努力努力~~ 我o係到十卜十卜大家~
新一年新景象~ 大家加油啊~!!!
為馬年打打氣~~~~
呢一篇可以話係動物相片大特集~
事關第三日去動物園麻~
初時預訂JR車票果時諗緊到底係10am車... 定係11am車好呢...?
最終早早出發有著數~
所以9點幾到達札幌JR站~ 早餐方面就揀咗o係車站入面買便當~~
其實d便當都相當精彩~ 精緻美味ga~
而且... 又唔平... 閒閒地一盒成千yen~ (當然想平平地都有, 預返400-500yen la~~)
一人一盒share食~~~~
我呢盒係牛牛~~~ 880yen~~
訊訊呢盒好似係普通野~ 大約4xx yen左右la~~
其實想食再平小d o既便當, 都有~ o係車站入面o既便利店, 會再平d d~
出發去旭川o既車程要1.5小時~
而且, 唔知o係咪天氣問題...
班車遲咗到...
咁就出事la....
一行出車站, 會見到個黃色牌指住去旭山動物園巴士站~
照跟住行, 大約3mins就到~ (期間要過馬路ga~)
問題係, 因為班列車遲咗... 搞到我地MISS咗班巴士...
真係送佢車尾...
要足足成半個鐘先有另一架...
400yen/位單程~
好彩天氣好~
不過旭川天氣較札幌凍~
雖然有陽光, 但都FEEL到"涼透身"o既感覺~~
大約搭咗40分鐘... 其實都幾耐...
原本預咗12點半可以到達動物園~
點知搞到1點幾先到...
成人入場費800YEN/位, 小童免費~~
入到唻動物園, 感覺仲凍D AR...
莫非係上山o既關係...??
見到嗎~ 中午o既溫度只得零下9.8度~~
所以真係勁勁勁勁勁凍ga~~~~
因為動物園好多館3點就會close~ 時間唔多~
所以我地要極速行動~~~
首先係海豹館~~
好可愛~^^~ 比想像中還要可愛ar~~~
館內o既設計幾好, 可以好貼近海豹~~~
佢地一隻二隻都好肥嘟嘟~~~
見到佢地都幾鐘意工作人意~~~ 想跳上唻玩~~
時間得返個幾鐘~ 要行晒十幾個館, 仲要抽時間睇企鵝巡遊~
真係超級趕~~~
跟住到北極熊~~
據講應該有3隻~~
但呢一日只係見到2隻~~~
真係超貼近~~~
佢只o係玻璃窗外ja~~
咁樣影相. 睇唔到佢身形有幾大~ 但實際現場睇, 佢的確好巨型~~~
仲有北極狐~~
浣熊~ 好可愛~^^~
仲有鹿仔~~~~
可能天氣凍~ 眼見d狼都唔係點郁動~~~
我o係到望.....??
企鵝巡遊每日有2場~ 朝早11點, 同埋下午2:30~~
我地o係山中睇到一半, 又要急急腳趕返落唻....
搞到期間仆咗幾次.... (d雪路太滑)
好可愛啊~^^~
行得笨拙, 但十分趣緻~~~
大約睇咗10mins左右就散場la~~~
因為時間無多....
我地又急急腳咁跑上山繼續睇~~
老虎~~
見到佢痾vv~~~ haha~~
果刻好掛住屋企o既mic mic~~~
好難得先捕捉到半個身位同佢影相, 因為佢成日走唻走去~~
o係呢幾個猛獸館到仲見到獅子, 黑豹, 雪豹等~
不過影唔切相.....
仲有超臭o既羊咩咩~~~~
唔記得佢叫咩名tim~~ haha~~~因為好細粒好矮ga ja~~~~
而因為冬季期間, 有好多動物都會提早收工~
例如長頸鹿, 鴕鳥, 某種類o既猴子都只會o係朝早展示~~~
要睇晒, 就記得早d唻la~~~
就係咁~~~ 動物園收3:30~
我地就搭返3點半o既巴士走~~~~
個天已經慢慢咁變黑la~~~
有無留意, 我地朝早只係食咗個便當, 之後就無再食野落肚呢~~
因為旭山動物園行程太趕~ 搞到無得好好食野~
連o係動物園內有手信區都買唔到野... 一味趕趕趕~
所以落咗巴士, 見到"山頭火"~ 就衝咗入去~~~
原本係想去梅光軒~ 係米芝連評分o既餐廳~ (都係拉面)
但因為太肚餓... 所以見到山頭火都照殺~~
唔講唔知~ 山頭火o既發源地就o係旭川~
碗面好似望落唔大碗~
但其實超多面, 面o既分量就好似食極都食唔完咁~
呢碗係味噌~
呢碗係鹽味~~~
2碗都咁好味~^^~
之後, 食完拉面, 因為預先book好咗車票~
又要趕返去jr站到搭車走人~~~~
感覺~~~ 呢個旭川行... 太急太趕...
我地搭10am o既火車, 都覺得急, 我諗大家如果plan定走, 可以預返再早小小~~~
反到札幌酒店, o係便利便買咗雪糕~
好濃好味~
記得唻北海道要食雪糕~ 因為d奶味真係特別濃郁~~~~~
休息一下~~~就出發去parco shopping~~~
好彩都買到小小野~~~
呢到d商場收8pm~~ 其實我地返到札幌, 都只得一個鐘買野~~~~
以上5件衫... 其中一件先係我ga......
>.<"
o係札幌呢到見到特別多串燒店~
而且好多都講明係飲料放題~
我地買完野又攰攰地, 就揀咗o係時計台通呢到o既串鳥~
見到佢o係門前燒得火紅火綠~ 好似幾ok咁~~~
由於無茶火供應, 所以一定要叫野飲~~~
唯一有樣野... 無劃分吸煙/非吸煙區~~~
好臭啊~~~~~~
我地唔慣單叫串燒~ 所以叫定個炊飯~~~
單叫一杯大約380yen~
如果加多500yen, 就可以有90分鐘任飲~~
但... 我地都無加到~~~~
如果o係到傾下計, 飲下食下, 都係幾抵ga~~~
已經唔記得咩串打咩串~
不過大部份都好特別~~
o係hk少食~~~
大約叫咗十幾串~~
再食埋個飯~~~
啱啱好~ 呢餐full晒~~~~
埋單2780yen~ 即係約$210左右~~~ 抵la~~~~
好la~^^~ 我地day 4 見la~~~
沒有留言:
張貼留言