New start 2014 JAPAN trip ~ 5th day 函館●登別

o係未接觸北海道呢個地方之前, 成日睇到d人去北海道, 我只感覺到"亂"~

點解...?

因為單單講北海道已經劃分好多地方/區域~

搞到睇完聽完都唔知邊到打邊到~

 

大家如果未去過, 可以唔駛著重我地到底去邊到~

忘記個地方名la~ 無所謂ga~

睇遊記呢樣野, 隨心la~ 睇下野食, 睇下風景, 都已經足夠~~

haha~~~ 就正如我未踏足北海道之前, 都唔知邊到打邊到~~

 

 

 

 

今日有blog友仔話我知, 佢鍾意儲埋一次過遊記, 一次過睇~

唔鍾意慢慢追~

叫我快d加把勁~~

haha~~ 我已經好努力ga la~~~

一個月前o既回憶, 雖說唔係太耐...

但都要時間製作ga ma~~~

而且... 下下打咁多字... 手都酸呢....... 一.一"

 

 

 

 

 

 

另一日朝早...

我唔願出鏡... 因為頭又未梳, 妝又無化...

成個人口腫面腫... haha~~~

因為真係瞓唔慣tatami呢......... 所以... 成身痛..... >.<"

 

朝早o既早餐定咗o係830am~~~

 

一去到就有好多豐富野食等緊我地~~~

函館名物係魷魚刺生~~
據講函館係靠魷魚先可以發展到依家咁豐盛~~~
的確~~ 我都係第一次食一條條切到咁幼細o既魷魚刺生~~
晶瑩剔透~ 味道唔錯~~~
(好似話呢一碟價值大約2千幾yen左右~)

望住出面個海景~ 唔錯呢~^^~
揀呢到無揀錯~ 因為真係無乜人~~
有o既都只係本地人~~~

 

check out時間係11:30~~
可以利用朝早時間再浸~~

唔知幾時再有機會再唻呢~??



到底幾錢~?
好彩依家yen價跌~~
漁火館只收現金~
2人一房~ 1泊2食~
多謝53,000yen~ (即係大約$4000左右~)
諗返起上年去和歌山, 好似大約4萬幾YEN晚~
環境比函館靚~ 但呢到就勝在有古色古香o既味道~~~~
都值o既~
食o既好野~ 又可以包場咁濟~
最緊要係有個私家泉任浸麻~ (但當然唔好浸得過火~)


講漏咗樣野~^^~
入住溫泉旅館最大原因~ 係要同訊訊慶生~~
訊訊牛一麻~ 住好D, 食好D, 都好應該~~~~
 

say bye bye la~^^~

 

一大片雪地~~~

好懷念AR~~~~

 

 

見到D雪大約幾深呢~~~~

 

又係果片溫泉來源~~

 

 

行返出去~ 搭返巴士出返去函館JR站~

原本仲掛住緊個小丑漢堡包~

但因為早餐食得太飽...

咩都食唔落....

 

 去到函館, 有一到指定o既手信一定要買~
就係SNAFFLE'S o既cheese cake~~
唔難搵~ 正正就係jr站附近~ (我地落巴士o既對面位)
 

入到去勁勁勁多cake~~~~

其實.... 我除咗佢地個出晒名o既cheese cake想食之外...
以下全部我都想食...
>.<"


最終, 同訊　揀咗4款~~ 準備上JR食~~

 

 

 由於前一晚無去睇夜景, 只係留咗o係旅館~
搞到好似與世隔絕咁....
野又無買, 相又無影~~ haha~~
依家要o係車站到買返d手信~~~

 

 開始食野la~~

上咗車~~ 準時開始~~ 出發去登別la~~~~~~~~~

 

留意上圖左手邊o既jelly~

係哈密瓜o既超水份jelly~ 勁勁勁好味呢~~ 記得唻到北海道要買ar~~~~

否則會後悔ga~~~~

 

由函館去登別都大約要2個小時多d d~

點解要去登別...?

唔知...

原本無諗住去, 但諗諗下, 由函館去札幌又坐成3個半鐘, 其實可以o係中途站落一落車~

順道遊覽一下~~~

 

到達登別已經接近下午2點~
登別最旺o既又係溫泉~ 有出晒名o既地獄谷湧泉~
除咗呢樣, 仲可以睇下熊仁~~~ (應該係話黑熊~)


去到登別, 要搭巴士上山~ 指明係去登別溫泉~~
見到呢到出晒名o既赤鬼~~~

基本上總站就到, 唔駛禁鐘仔~~~

因為登別呢一站, 係好後好後先plan~
所以酒店無乜得揀~
好在溫泉街落咗車後, 酒店就正正o係對面~
叫做萬世閣~
之後先知, 原來都算大間~~~

又係一泊2食~
包2餐~~
但房就揀咗細o既洋室~
咁樣一晚都要成hk$900 ga~~~
可能book得遲la~~ 所以無靚價....

 
睇得出~ 唔算太新~~~
不過只係stay一晚~ 都算ok la~~

 

前一日先浸過私人溫泉~
所以呢日, 對大眾溫泉興趣大大減低~
 
但原來萬世閣呢到都有3-4個溫泉~
而且仲有室內暖水泳池~
又有按摩中心~ 規模都算大~~~

 
放底行理~~~
落樓問下要點去棕熊牧場~~
但酒店職員話比我地知, 時間太晏la~~ 因為3:20就會停止售票~
牧場close 4pm~~
當時大約接近3點la~~
 

 
所以取消~~
改為溫泉街行下~~~
 

 
話就話係最旺o既一條街~
但其實唔算太多野賣~
只係幾間精品~ 便利店~ 餐廳都只係2-3間左右~~~

 
 
所以~~又要改行程~~~ haha~~~
原本諗住明日check out後先去地獄谷~~
依家沿住溫泉街再行上山大約7-8mins就會到~~~~

 
 
又見到赤鬼~~~~

 
睇下訊訊o既創意~~ haha~~~

 
 
初初怕搵唔到路~
點知... 原來好多旅遊車上~~~
跟住佢地行大約5mins又到~~~~

 
到咗國立公園~~~
好快就會見到自然景象o既地獄谷~~~

 
 
就係呢到~~ 噴緊煙~~~~

 
大約原理就係個溫泉池o係底~
而依家又天寒地凍~ 有溫差~~~~

 
之後, 可以行下山路咁~~~~

 
 
影下合照~^^~

 
個景真係唔錯~~~~

 
 
睇到呢塊board... 感覺自己好似o係郊野公園咁~~ haha~~~

 
 
 就係咁~~~ 我地o係零下6-7度行上山~~~
上山都易行d~ 到落山就feel到好滑... 較難行~~~

 
 
唔知呢到夏天有無得好似hk咁bbq呢~?

唔知我做乜~?
haha~~估下呢~~~

我成個人坐咗落d雪到~~
可想而知d雪有幾深~~~

訊訊話個天好多黑點....
一.一"
錯la~~~~~
而係一大群烏鴉~~
o係天到鴉鴉鴉咁~~~

真係好多... 多到.... 我有點驚....

因為酒店包夜晚果餐...
而又唔算太肚餓o既關係~ 就去7-11買咗小小野食~~
包括有杯面~~ 有菜肉包~ (唻日本一定要食~ 好味呢~)
仲有芝士魷魚~ (早知買多幾包, 之後札幌見唔到~ 好好味~)
 

仲有.... 右手邊o既pudding好味到我食完又買~ 食咗2個先夠~~ 好似只係220yen~~ 好味到震~!!!!

成個大大大飯堂咁~~~~ 有點似威尼斯人~~~~

晚餐以自助餐形式供應~~~~

其實都算應有盡有~

唔差~~~~~



 

如果想飲酒, 如果無記錯, 加1300-1800yen就可以以放題形式點選~~~~

我地咩都要d~~
 

haha~~ 如果你問我好唔好味~
我會答你唔算差~ 但又唔可以話好好味~~

最好味係佢o既咖哩飯~~ 正~!!!

因為唔浸溫泉o既關係~ 所以早早入睡~~
明日請早~^^~